بيت المقري


نتشرف بتسجيلك في منتدانا فتفضلوا يالغالين

تحيات ادارة المنتدى



 
الرئيسيةالبوابةالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
» ما لا تعرفه عن الاتراك
الأحد أغسطس 27, 2017 8:30 pm من طرف ندى زهرة اليوم

» جمعه مباركه
الجمعة أغسطس 11, 2017 7:29 pm من طرف المسااااافر!!

» خطورة كشط بطاقات الشحن بااظافرك تنبية
الثلاثاء نوفمبر 22, 2016 1:58 am من طرف المسااااافر!!

» معلومات في غاية الروعة
السبت يوليو 16, 2016 7:04 pm من طرف المسااااافر!!

» عيد سعيد عيد مباااااااااارك
الأربعاء مايو 27, 2015 12:46 am من طرف المسااااافر!!

» هل فكرت مره لماذا نسجد مرتين
الأحد يونيو 01, 2014 11:55 pm من طرف المسااااافر!!

» شعر روعه اهدء للجميع
الثلاثاء ديسمبر 11, 2012 3:43 pm من طرف الجاسر

» نكت في نكت
الإثنين ديسمبر 10, 2012 3:59 am من طرف الجاسر

» محشش وياباني
الثلاثاء أبريل 24, 2012 5:21 pm من طرف المسااااافر!!

المتواجدون الآن ؟
ككل هناك 5 عُضو متصل حالياً :: 0 عضو مُسجل, 0 عُضو مُختفي و 5 زائر

لا أحد

أكبر عدد للأعضاء المتواجدين في هذا المنتدى في نفس الوقت كان 17 بتاريخ الأربعاء يوليو 10, 2013 6:14 am
أفضل 10 أعضاء في هذا المنتدى
وردة العشاق
 
ξŋġђίēņ Ṧίℓēŋсē
 
المسااااافر!!
 
بنت ترافيان
 
طويل الشوق
 
نــــــونــــي
 
القيصر
 
الساااحر
 
الجاسر
 
hazeenoo
 

شاطر | 
 

 شبيـہ الريح .. وش بـآآآاقــٍـي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
وردة العشاق
نائبة المشرفة العامة
نائبة المشرفة العامة
avatar

انثى
عدد المساهمات : 915
تاريخ التسجيل : 05/11/2009

مُساهمةموضوع: شبيـہ الريح .. وش بـآآآاقــٍـي   الأحد فبراير 14, 2010 5:50 am



[size=12]أجهلك .. و لي سنين اتخيلك
اتمثلك في كل طيف .. والقاك في قسمات ضيف
كل المشاعر له تقول .. حنـّا هلك
أجهلك .. ولي سنين اتخيلك
القاك في بعض الوجيه .. ويمرني طيفك واجيه
يا باكر اللي اجهله .. ارقتني الأسئلة
وابطى العمر يستعجلك ..
أجهلك .. ولي سنين اتخيلك
بالعيوب وبالمزايا .. بالألم
لامن هجرتي يجتاحبي ضلوع وحنايا
اتخيل شكوكك وظنك .. اتخيل التقصير منك
حتى الجفا اتخيله .. وكيف انا باتحمله .. واتحملك
أجهلك .. ولي سنين اتخيلك
وجهك اللي قد حبسته داخلي في غمضة عيوني
واللي ياما قد رسمته .. من عبث طيشي وجنوني
وجهك اللي دوم يظهر لما ألقى نشوة الفكرة الجديدة داهمتني
لما القى انكساراتي قصيدة واكتبتني
وجهك اللي دوم يظهر في اعاصيري وسكوني
في الجبال الشاهقة في أجمل خيالي
في السفوح الخافقة بين نبضي وانفعالي
وجهك اللي قد نحته في عظامي والجوارح
وجهك اللي قد حفظته وبتفاصيل الملاح
بالنهار في بسمته .. بالضيا اللي في ورودة
بالعبوس في غضبته .. بالتضاريس وحدوده
من جنوحه في البها .. لين اقصى نقطة في كاسر جماله
للعذوبة .. من شروق النور في ضيه
للشعر في غروبه
من شطوط الكحل في عيونك لنحرك
من بياض الثلج في خدك لجمر ٍ قاد في ثغرك
وجهك اللي ما ابد يوم لمحته .. او عرفته
لي سنين اتخيله .. واتخيلك
ياللي كلي بك معرفة .. واجهلك
ما اصعبك .. كيف الاقيك
ما اسهلك .. لو الاقيك
ياللي دوم اتخيلك
مملكة حسن الزمن
وأنا الملك







أنا ما أدري وش أحساسك
وما أدري وش تظنيني
أنا الصادق في عينك كنت
وصرت الكاذب الخوان
أنا أخطيت ما أنكر
ولا في عذر يكفيني
سوى أني احبك حيل
وأني دائما أنسان
انا أدري بمدى جرحك
و أدري الحظ جافيني
يطول الوقت ما أخطي
واذا أخطيت كل شيٍ بان
أنا شفت الزهر مايل
وظنيته يناديني
قطفته ... يوم ضميته لقيته للأسف ذبلان
عرفت أنك زهر عمري
عرفت انك بساتيني
وغيرك قيظ ما يروي
سراب يسقي العطشان
أنا لو ما حصل ما كان
وش اللي يدريني
بأنك ما سواك انتي
سكنتي القلب والوجدان؟
أنا آسف على أعذاري
عجزت القى عذر فيني
يليق بغلطتي في حقك
و يرجع كل شئ كان
أحبك كثر أخطائي
و أدري أنك تحبيني
و أدري لو تفارقنا
فلا نقدر على النسيان
اذا تقوي على فراقي وبعدي عنك
خليني
انا ملّيت من دور الكرامه و لعبة الغفران
قليل العمر ياللي انتي دموعك ماتساويني
حرام انه يضيع فراق
هي من قلها الأحزان









ابسألك .. هو أنا استاهلك ؟!
استاهل الدمع اللي جرّح وجنتك ؟
استاهل اني اعشقك ؟
ابسألك عن حالنا .. انتي وانا
ياللي احس .. انك انا
حالنا ما هو غريب
انـّا نكون متأكدين ان الفراق ما هو بعيد
بالرغم من جرح السنين
عشقنا دايم يزين
ماهو غريب .. اني لو مرة في همي
نسيت وبكلمة جرحتك
قبل ما تتألمين .. اللي ينزف هو دمي
ابسألك ماهو غريب .. استاهلك
ابسألك لو قلت لك ان الحنان اللي في قلبك
ينبت من الصخر الزهر ..
وان النهار اللي في خدودك يخلي النسمة عطر ..
وان العذاب اللي في عيونك يعلـّم الناس الشعر ..
ولو قلتلك اني احبك اكثر من هموم البشر
وكثر الجفا وكثر السهر ... لو قلت لك
وانك اقرب من عيوني للنظر
كل الذي اقدر اقوله
واللي ما اقدر اقوله
استاهلك .. حبيبتي ؟!
وباجاوبك .. للأسف ما به احد يستاهلك








قلتيلي انسى
ومن يومها وانا كل ليلة..قدامي البرواز
حبر العيون ودمع القلم.. في دفتري
وصورتك..رغم الألم..ورغم انها خذت من اطباعك كثير
وخانت البرواز..اشوفها في خاطري
حبيبتي مابيدي حيلة
لاصرتي الصورة..وعيوني البرواز
وشلون ابنسى
اتعبتي الصوره مشاوير
وتعبت انا بلقى لغدرك معاذير
وصورتك اللي سجنت بروازها طول السنين..
كانت جسد وبروازها الروح
ويوم انزعت منها الجسد..تجرحت اطرافها
وبجروحها راحت لمين؟
لبروازها الثاني!!
مسكين..بيسجنك ويبقى سجين
مسكين
تشبهلك اقداره..خانته
وصورتك يجي يوم وتخونه
حبيبتي..أو للأسف حبيبته
لاصرتي الصورة..وجفونه البرواز
وشلون ينسى
حبيبتي لجل أنسى جرحك واستريح..ببكي
وبعد البكى ..ببكي
وأكيد في لحظة بتجي..وبيجف دمعي
وعندها صورتك اللي في عيوني
بتموت من ظلم العطش..
بروازها بيصبح نعش
وبتمرني الدمعة الأخيرة ...تاخذ معاها صورتك وطيح
وكني بالمسافة تطول مابين عيني..ودمعتي..وخدي
وكني بقلبي الحاير المسكين
نبضه يقول لا تودع الفرقى الدمع مايرقى
وعندها لانزلت الدمعة لمثواها الأخير
وفارقت وجهي
بغمض عيوني..واكسر البرواز
وانسى








الصبر ... مالي انا الا الصبر
الغدر .. وشلون جاء منها الغدر
ياقلب ابي منك العذر
انا ما هقيت ان الفجر يقدر يخون وقت الفجر
وان السنين تقدر تمر ابلا عمر
لا ماهقيت ان الوفا في قلبها ماله قدر
واني انا محتاج مني الصبر
ياقلب ابي منك العذر .. وان مارضيت مالي جدى كود الصبر
ياجرحي في كل الدهر فارقت انا الدنيا
يا طعنةٍ وسط الظهر .. لابد انا انساك
بنسى انا كل اللي راح .. بنسى الفرح لجل الجراح
بنسى قصيدي والشعر .. بنسى سنيني والعمر
مع الهجر يمكن في يوم اسلى
وان ماسليت او ما نسيت
منك العذر .. مالي جدوى كود الصبر
ياللي خذلتي مدمعي .. ان كان ودك ترجعي
عندي طلب .. لاترجعي
ياللي خذلتي مدمعي .. ان كان ودك ترجعي
شرطي صعب ! ..
لو تجمعي آهات قلبي اللي انجرح
وتنسي السعادة والفرح
وتتعذبي
وبعد العذاب تتعذري












ما سألتوا صاحب النظرة الخجولة
كيف يسهرني وله وجهٍ صبوح ؟
كيف يظلمني وله طهر الطفوله ؟؟
كيف يسكنّي وهو دايم يروح ؟؟
وكيف أنا ألقى ربيعه في فصوله ؟؟
دام كذبه صادق وصدقه مزوح
له صفاتٍ تورد العاشق ذهوله
مستكين و صامت وكله جموح
أصعب الأشياء و أكثرها سهوله
أغمض الأشياء و أكثرها وضوح
سهل تغرم به وصعب انك تنوله
غامض فـ طبعه و واضح في الجروح
أسعد بشوفه ولكن ما أطوله
كنّي الوادي وهو أعلى السفوح
يبتسم لا منهم عنّي حكوا له
ولا حكوا لي عنه أعماقي تنوح
لي بقلبه شي لكن ما يقوله
وله بقلبي كلّ لكنّي أبوح
كنّه الغيمة و انا أرجي هطوله
ما نزل غيثه ولا برقه يلوح
ما عرفتوا ليه تسهرني فعوله ؟؟
وليه يسكنّي وهو دايم يروح ؟؟
هو يبيني بسّ أطباعه خجوله
وما يبي أغفى وهو وجهه صبوح







بافارق فراقك وباخنق عبرتي
واجرح اضمادي واسافر لك معك
بشد للماضي واقدم ساعتي
واعاند اعنادي واقودك واتبعك
باجامل احزاني واجافي فرحتي
واعادي خلاني واحبك واخدعك
بصير انا طبعك وانتي طيبتي
وبيحزنك ضحكي..وهلي بمدمعك
بسامر دموعي واعزي ضحكتي
وبهدي انا ضلالي..ضلال ياسعك
بلبس انا ذلك.. وقيسي عزتي
وبتصيري ذنوبي وخيري بيطبعك
باحارب في ضعفي وافر في قوتي
والى رضختيلي لموتي بادفعك
ولجل اللقاء بارحل وتمضي رحلتي
والى حصل شوفك بكون مودعك
اببعد واوصلك وبسبق خطوتي
وبانثرك فيني وانسى اجمعك
بضم أنا هجرك في قربك وحدتي
وتدلك عيوني وقلبي مضيعك
واذا اضلمت دنياي بطفي شمعتي
واذا كثر زادي بجوع وبشبعك
شردتي رقادي وسمعتي نضرتي
وغمضت أنا عيوني لجل ما اسمعك
صرخت في سكوتي ولمستي صرختي
وقربتي وجهك لي لجل ما اصفعك
عند الحزن تثقل خطاكي دنيتي
وعند الفرح قالت خطاكي مسرعك
قصيدتي يكفي..غبية كذبتي
حبيبتي آسف بخونك ..بس معك








يااللي قريتوني شعر ..
وشفتوا ملامح حبها ..
بين المعاني والحروف ..
يااللي عرفتوني صبر ..
وفراق .. وجروح .. وحزن ..
وظروف خانتها الظروف..
تخيلوا..!!
إن القصيد إللي كتبت ..
كل القصيد ..
أصبح كذب ..
تخيلوا..!!
أصدق إحساس فـ زماني ..
يصبح كذب ..
تخيلوا..!!
إني ماكنت الوحيد في قلبها ..
تخيلوا ..!!
إني الوحيد ..
إللي أبد ..
ما قد سكن في قلبها ..!!
والغريب .. أحبها .. إلى هلحين ..
أحبها..
تخيلوا ..!!
ما ودي جراحي تطيب ..
لأنها الشيء الوحيد ..
إللي بقالي منها ..
تخيلوا..!!








فقير و عندي المال الكثير
فقير و ملبسي غالي حرير
و يا صاحبي الحافي الفقير
ابنشدك ابسألك و شهو الحصير !
و ابسألك و شلون انا امر و انهي
و اذا حكيت قبل انتهي من كلمتي
يقاللي سم ويصير
و لاشكيت من غفلتي طوّل زمنها
يقاللي لاتشتكي .. ماخلقت الشكوى لأمير
و ابسألك و شلون انا مع كل ذا .. اقول عن نفسي فقير ؟
ياصاحبي لاصار للضحكه ثمن
و صاروا اصحابي كثير بس بثمن
و الوفاء مابه وفاء الا بثمن
ابسألك ماني فقير ؟؟
ولاصارت اقوالي حكم
و لا قالها غيري غدت حكيٍ قديم
ابسألك ماني فقير؟
و لا صرت انا مانيب انا
و لا غلطت قالوا صحيح .. و كل شي اعمله يصبح عظيم
ابسألك ياصاحبي ماني فقير؟
وياصاحبي ابنشدك لا من جفتني دنيتي
وابتدأ الدرب الطويل اللى ابد ما ينتهي
وانتهي العز القديم و ماكنت اظنه ينتهي
والموت بدد فرحتي .. و حطوني في قبر صغير
وحزنوا علي .. و بكوا هلي و ناس من ربعي قليل
وارتاح من وجهي كثير
و بقيت وحدي في حيرتي مابه احد
لا طال عمرك و لا تحت امرك
ما غير انا و خوف ولحد و حساب قدامي عسير
وقتها ذكرت اني من زمان
يوم انه امهلني الزمان
هذا ظلمت .. هذا جرحت .. ياما كذبت
وذنوبي ماتحصى كثير
وقتها الىَ ندمت .. و نفسي كرهت
عرفت ان الله كبير و ان الهلاك اصبح اكيد
واني انا مالي رجاء .. ولاهروب من الدجى
من الجحيم الا بأمل عندي وحيد
ان الله غفّار و رحيم
ابسألك ياصاحبي عني أنا في وقتها
ماني فقير ؟؟







قالت لي..مليت
يا اكثر جروحي الاخيرة..
لوعرفتي اليوم قلب ودعك
يا آخر جروحي الكثيرة..
ماعرفتي اليوم ما عاد اذكرك
وما اذكر من اللي مضى..
الا غرامك والفراق
بعض اللقاء والاشتياق
وكل الاحاسيس الصغيره
يابرد عمري وياهجيره..
تخطين لو يخطر في بالك
انك في بالي كل دقيقة..
وانك خيالي والحقيقة
واني احبك مهما كنتي..
يابرد عمري وزمهريرة
ان كان قلتي اني فقدتك..ماصدقتي
وان كان قلتي مانسيتك..ماصدقتي
لو عرفتي مااذكر من اللي مضالي الا انتي
وما اذكر من اللي مضى الا انتي
وما اذكر الا اني بكيت
وفي ليلة مافيها وفاء..قلتيلي مليت
يا انتي اخر أولي..
لاتصدقي اني نسيت






يا كاعب الطبع الفريد ياللي في صدقك تكذبي
يا أقدم الكيد الجديد كيد انسجن منه نبي
يا جاريه تملك عبيد يا مقيّده تسبي سبي
القوه في ضعفك تبيد وسلاحك الدمع اسكبي
ما يعجزك قاسي عنيد الكهل يصبح بك صبي
ينصاد ويظن انه يصيد ويصدقك هذا الغبي
ويظن انه الفذ الوحيد ما يدري انك تلعبي
مسكين هالجاهل بليد ظنك بوصله ترغبي
ان جاك اقفيتي بعيد وان صد عنك تقربي
وان شفتي اخلاصه يزيد في حيرتك تتقلبي
وان بان لك فجأة سعيد من هالسعادة تغضبي
وان قلتي عني لا تحيد وطاوعك تستغربي
وان قلتي فراقك أريد وغاب عنك تندبي
ياطالب الراي السديد يا حاير بطبع الظبي
أقرب من حبال الوريد وابعد من المجد الأبي
وأوضح من أنوار ٍ تقيد واخفى من النملة دبي
الشك فيها والأكيد وغموضها به تختبي
شف فعلها يحكي ويعيد الغدر شيمة مذهبي
زادي النكد به استزيد والمكر صافي مشربي
البعض ينصاني مجيد والبعض يحبيلي حبي
ضعفي قوي وذلي عتيد يا ليت اعرف مأربي
شف فعلها برجل ٍ شديد تلقى طلبك ومطلبي
تعطيه بعض اللي يريد وتاخذ جميع اللي تبي
أستثني من هذا القصيد كل النساء بكوكبي







ما أظن الصبح .. يدري بالليالي
وماأظن الليل يعنيه الصباح
و ما أظن في يوم قد زارك خيالي
وماأظنك حاسبٍ عمري اللى راح
ياقديم الظلم ما فارقت بالي
ومافي بالك لي سوى هم وجراح
لو همومي تسعدك .. زد لاتبالي
ولو معي اخطيت اطلبك السماح
تبعد دروبك اذا اقبل وصالي
ولجلك دروبي يضيقبها البراح
رغم بعد البعد جرحك هو ظلالي
كنك الرامي وفرقاك الرماح
يالغرام السجن والسجّان غالي
والسجين يخاف إطلاق السراح
لو هو في الأوراق قدر الغصن
عالي بتاخذ الاوراق اقدار الرياح
للكسر غصنك وانا يمضيبي حالي
ولضمى اورقي خلق ربي قراح
بسبقك للصبح مليت الليالي
واتركك في ليل ناسيه الصباح







يسعد صباحك .. يا حبيبي
حالي طيب
كل شي مثل اللي كان
المدامع .. والمواجع ..
والأمان اللي اختفى لحظة غيابك
والليالي اللي مضت .. مثل الليالي اللي مضت
الهم عازف .. والدمع نازف ..
والعمر في غيبتك حاير وخايف
حتى جراحك وسط قلبي مثل ماهي
وفي شفاهي باقيٍ نفس الكلام اللي بقى .. آخر لقا
مثل منتَ يا حبيب الروح شايف
كل شي مثل اللي كان
وحالي طيب
يسعد صباحك .. يا حبيبي

هذا انت
كل ما ضاقتبي الدنيا تغيب ...
وكل ما ضاقتبك الدنيا تجيني
هذا انت
ان كساك الهم صرت أوفى حبيب
وان نساك الهم تتباهى ب أنيني
مثل منت .. دايم تجي ف وقتك حبيبي
بعد ما وقتك يروح
يا آخر دموعي وشجوني ..
وأول إحساسي جروح
ما بقالي من عذابي يا حبيبي .. الا انت
وهذا انت يا حبيب الروح شايف ..
كل شي مثل اللي كان
وحالي طيب
يسعد صباحك .. يا حبيبي

هذا ضي الصبح .. او هو بعض نورك ؟!
هذا همس الورد .. او دافي شعورك ؟!
منهو مثلك في غرورك ؟!
جيت متأكد بسامح ..
راسم الطيبة ملامح
ماهو بدري !! ..
انت تدري
ما قتلني غيابك اكثر من حضورك
ايه كان العمر داكن ..
ايه كان الهم ساكن .. وقتي بعدك
بس أنا يا ضيّ عمري ..
كنت عودت الأماكن تألف بعادك وصدك
ياللي ما يرضيني ضعفك ..
ما ادري انثر فوق كتفك أغلى دمعي .. اوأردك









تدرين وادري بنفترق
تدرين قلبي بيحترق
حنا اتفقنا في كل شي الا الزمن
عيى الزمن لا نتفق
ولاتزعلي لو نفترق
قلبك خلي
وقلبي انا اللي بيحترق
ياوردة في كل الفصول
يافرح عيّى لايطول
قولي واقول
ان كان عندك لي حلول
يافرحة القلب الحزين
الوقت يمر ..
ومالك عذر
كانك تبين ننسى العمر ..
ننسى السنين
وانذوب في حب وحنين
تدرين وش سر الحكاية
الوقت يمر .. ولكل شي لابد نهاية
وحنا قربنا من النهاية
ومالك عذر
يابسمة الثغر الخجول
ان كان عندك لي حلول
وان كان ودك نتفق
والا ترانا بنفترق
ولاتزعلي لو نفترق
قلبك خلي
وقلبي انا اللي بيحترق


ياحب .. يادنيا جديدة
يا احلى ابيات القصيدة
ان كان جرحي ما كفى
انزفلك جروح ٍ جديدة
وان كان شعري ماوفى
انسى الحكي وانسى القصيدة
يا احلى ايام العمر
كثر الحكي وش بيفيد
ومابقى عندي صبر
والجرح في قلبي يزيد
مالك عذر
يابسمة الثغر الخجول
ما اظن عندك لي حلول
وما اظن ودك نتفق
واحنا ترانا بنفترق
ولاتزعلي لو نفترق
قلبك خلي
وقلبي انا اللي بيحترق









هو فيه مثلك..ياللي الحسن ظلك
ليه العطر
وانتي انفاسك دخون
وليه الكحل
وانتي ماغيرك عيون
وليه تفكيرك يكون
انك تكوني دايم اجمل
انتي اجمل
من جمالك
من دلالك
من خيالك
ياللي كل افراح قلبي والحزن
في المسافة بين فرقاك ووصالك
وليه يالقلب الحنون
تاخذك فيني الظنون
ضيعتي عدلك..هو فيه مثلك..انتي ماغيرك عيون
وانا احبك .. وانتي انفاسك دخون
ياللي احبك..ليه احبك؟
او ليه ماحبك..وانتي علمتيني ان الحب كله اسئله ما تنتهي
ليه ما احبك وانتي علمتيني ان الحب لا غدا لمثلك ابد ماينتهي
ياللي علمتك عذابي والهجر..ليه ما احبك
ياللي علمتك تكوني..في ضعف ضعفك..اقوى مني
يا انتي ضحكاتك تغني..وابتساماتك شعر
يانتي ضحكاتك تغني..وكل ما شفتك اصر
انك اجمل من جمالك..من خيالك..من دلالك
على حبك انا..بقفل ابوابي
وبطيوفك انا..باسقي اهدابي
يا انتي..يا انتي احبابي
تصدقين..تصدقين..صدقي
قلبي لكي وحدك..صدقي
ماقوى على بعدك دقايق..بس دقايق
[/f[/size][size=12][b]o

_________________
الرجوع الى أعلى الصفحة اذهب الى الأسفل
 
شبيـہ الريح .. وش بـآآآاقــٍـي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
بيت المقري :: غرفة عذب الكلام :: اشعار-
انتقل الى: